فيسبوكك



حاسب قبل ما تكتب بوست ع فيسبوكك :
- لو كتبت حاجه عجبتك في أداء مرسى أو الحكومة...هايقولوا عليك إخوان.
- لو انتقدت أي حاجة لهم..هايقولوا عليك علماني.
- هايسألك حد فيهم وأنت بتتناقش معاه في حاجة تانية خاالص..أنت قلت للدستور "نعم" ولا "لا" ا؟..الأول إسلامي والتاني ابن كافر ورايح النار بهليكوبتر.
- لو شيرت حاجة لعدنان ابراهيم..كده أنت شيعي..(مع إن د.عدنان سني ابن سني بس اهو كده تناحة وخلاص!)
- لو شيرت حاجة فيها إيمانيات..كده أنت "صوفي" (مع إنك ممكن تكون موش بتصلي أصلا بس افتكرت ربنا ببوست)
- لو شيرت حاجة لجيفارا..يبقي انت كده "شيوعي وش". (مع إنك ممكن تكون فاكر إن جيفارا ده سلفي لأنه ملتحي وكده)
- لو اتكلمت على حادثة البدرشين وانتقدت الإهمال يبقى انت "بتاجر بدم المصابين وبتزايد علي الناس"..و لو قلت دي تركة مبارك الفاسدة "يبقى أنت بتبرر"..!
من الأخر شعبنا عنده قابلية طبيعية للتنميط والإستقطاب والتصنيف ودا موش بس مؤشر للتطرف..دا كمان مؤشر قوي للتخلف للأسف.


أقولك..سيبك من كلامي ولا تحاسب ولا تناسب..أنت بتكتب في صفحتك وعلي فيسبوكك..وإللي موش عاجبه يشوف فيسبوكه بعيد عن فيسبوكك..اكتب ما تريد..اكتب إللي انت بتعتقده ولو خالفك كل أهل الأرض..فهم كما قال عليّ بن أبي طالب.."الناس كالموج إذا سايرتهم أغرقوك..وإذا عارضتهم أتعبوك!"

* راجع تدريب فيسبوكي : تقديم : باسم الجنوبي
http://bit.ly/Y8FCOS
تعليقات فيسبوك
3 تعليقات بلوجر

3 التعليقات

التعليقات

يشرفنا تعليقكم..مشكورين علي ما كتبتم محول الأكواد محول الأكواد الإبتسامات الإبتسامات