حدث مع صديقي بالأمس | باسم الجنوبي

صديقي بعد ما سبته ليلة أمس ودعوته لحضور محاضرتي "أنا التطوع" في الغد..فأكد حضوره ومضى وودعته..هو مروح شاف حد بيبيع بنزين وجاز في السوق السودا في الشارع،ع الفور عمل واجبه الوطني واتصل بقسم الشرطة يبلغ عن أحد متسببي أزمة البنزين والجاز في بنزينة البلد،تم تحويل المكالمة إلي نائب المأمور اللي أكد أنه جي بعد دقايق –القسم موش بعيد فعلا خمس دقايق عن المكان.

 لكن الباشا وصل بعد ساعة تقريبا،وياريته ماوصل..البيه جاي بالبوكس الميري وجاي بالسرييينه الشرطية العالية أووي في شارع هادئ للغاااية،،طبعا كان صاحبنا بتاع البنزين لم الليلة ودخل بيته والسواقين انفضوا..مفيش في المكان إلا صديقي إللي بلغ عن الحادث وهو يضرب كف ع  كف من الليمبي إللي راكب البوكس ده..طبعا خدوه القسم...صدق أو لا تصدق..تحري وفين بطاقتك!!..موش معايا بطاقة..طيب أنت مشرف عندنا لحد مانشوف حد يجي ياخدك..!!

للعلم صديقي صاحب براءة اختراع وكانت الجامعة الألمانية قدعرضت عليه دراسة فيها بشرط أن يكون البحث تابع للجامعة،فرفض وقال جامعات مصر أولى..اعتقد بعد إللي حصل ربما سيعيد رأيه في موضوع البحث وحاجات تانية كتير زي ماهية الواجب الوطني..وفكرة موضوع المحاضرة التي حضرها اليوم"التطوع"!..وحكى لي بعدها مامضي وحدث له بالأمس من ألم...وسمعني سلام "بالورقة والقلم..خدتني مية قلم" ! 


تعليقات فيسبوك
0 تعليقات بلوجر

يشرفنا تعليقكم..مشكورين علي ما كتبتم محول الأكواد محول الأكواد الإبتسامات الإبتسامات